ڪراچي(اسٽاف رپورٽر)جرمني جو قونصل جنرل ڊاڪٽر روڊيگر لوٽز اڄ ڪراچي ڪينٽ ريلوي اسٽيشن پهتو، جتي ڊويزنل ڪمرشل آفيسر (ڊي سي او) شيما غني سندس آجيان ڪئي ۽ گلن جو گلدستو پيش ڪيو.
ڊاڪٽر لوٽز ٽرين 41 اپ ڪراچي ايڪسپريس ذريعي ڪراچي کان حيدرآباد روانو ٿيو، جيڪا شام 3:00 وڳي پليٽ فارم نمبر 1 تان نڪتي. هو پنهنجي دوري دوران سنڌ ۾ مختلف منصوبن جو جائزو وٺندو ۽ ٿر ۾ صاف پاڻي جي منصوبي جو افتتاح ڪندو، جيڪو حصار فائونڊيشن سان گڏ مڪمل ڪيو ويو آهي.
ڊاڪٽر لوٽز جو هيءُ دورو پاڪستان ۾ بنيادي ڍانچي ۽ سماجي ترقي جي منصوبن ۾ جرمني جي دلچسپي کي ظاهر ڪري ٿو.
