حيدرآباد (ويب ڊيسڪ) حيدرآباد ۾ ڪچرو اڇلائڻ کان روڪڻ تي بدبخت پٽ پنهنجي ماءُ کي قتل ڪري ڇڏيو.
حيدرآباد جي علائقي ٽنڊو يوسف جي حدن ۾ افسوسناڪ واقعو پيش آيو، جتي پٽ زال سان گڏجي ماءُ کي ماري ڇڏيو.
پوليس موجب گجراتي محلي ۾ 65 ورهين جي عورت تي سندس پٽ حملو ڪيو، ڪچرو اڇلائڻ کان روڪڻ تي پٽ ڪاوڙ ۾ اچي ويو ۽ زال سان گڏجي ماءُ تي تشدد ڪيائين.
اختيارين موجب واقعي ۾ مقتولا عورت جو ننڍو پٽ سجاد به زخمي ٿيو، عورت جو لاش ۽ زخمي پٽ کي اسپتال نيو ويو، مقتولا عورت جي سڃاڻپ ڪلثوم جي نالي سان ٿي.
مقتولا جي زخمي پٽ سجاد ٻڌايو ته ڪچرو اڇلائڻ کان روڪڻ تي جهيڙو ٿيو، وڏي ڀاءُ محمد علي ۽ ڀاڄائي ماءُ تي تشدد ڪيو، هو اڳ به ماءُ کي تشدد جو نشانو بڻائيندا هئا.
