پشاور (ويب ڊيسڪ) پشاور هاءِ ڪورٽ جي چيف جسٽس ڏکڻ وزيرستان ۽ ٽانڪ ۾ بند عدالتون ٻيهر بحال ڪرڻ جو حڪم ڏئي ڇڏيو.
پشاور هاءِ ڪورٽ جي رجسٽرار آفيس طرفان حڪم کانپوءِ ڏکڻ وزيرستان ۽ ٽانڪ ۾ عدالتون بحال ڪرڻ جو نوٽيفڪيشن جاري ڪيو ويو.
هاءِ ڪورٽ جي پڌرائيءَ ۾ چيو ويو آهي ته ڏکڻ وزيرستان ۽ ٽانڪ جا ڊسٽرڪٽ اينڊ سيشن جج ۽ سينيئر سول جج پنهنجي لاڳاپايل ضلعن ۾ جڊيشل ڪم ٻيهر شروع ڪن، ججن، عدالتن ۽ ججن جي گهرن کي سيڪيورٽي فراهمي کانپوءِ عدالتي ڪم بحال ڪيو وڃي.
واضح رهي ته امن امان جي خراب صورتحال سبب 2 آڪٽوبر 2024 ۾ ڏکڻ وزيرستان ۽ ٽانڪ ۾ عدالتون بند ڪيون ويون هيون، جنهن کانپوءِ اهي عدالتون ڊي آءِ خان منتقل ڪيون ويون هيون ۽ ڏکڻ وزيرستان ۽ ٽانڪ جا جج ڊي آءِ خان ۾ ڪم ڪري رهيا هئا.
