پشاور ( ويب ڊيسڪ ) خيبر پختونخوا حڪومت جي سڌ سماءُ بابت صلاحڪار بئريسٽر سيف چيو آهي ته ڪرم ۾ فائرنگ سبب زخمي ٿيندڙ ڊپٽي ڪمشنر جاويد الله محسود کي عليزئي اسپتال مان ٽل سي ايم ايڇ منتقل ڪيو ويو آهي، جتي کيس طبي سهولتون مهيا ڪيون پيون وڃن.
هن چيو ته ڊپٽي ڪمشنر جي سرجري جاري آهي، جڏهن ته سندس حالت خطري کان ٻاهر آهي.
هن ٻڌايو ته هو زخمي ڊپٽي ڪمشنر سان گڏ سي ايم ٽل ۾ موجود آهي ۽ ڪشمنر ڪوهاٽ ۽ ڊي آءِ جي سميت ٻيا آفيسر پڻ هتي موجود آهن ۽ حالتون مڪمل ڪنٽرول ۾ آهن.
هن ڌرين کي پرامن رهڻ ۽ سازش جي اثرن کان بچڻ جي اپيل ڪندي چيو ته حملو اڻڄاتل شرپسندن جي سازش هئي.
هن چيو ته قافلي کي عارضي طور روڪيو ويو آهي ۽ هن وقت ڪليئرنس جو عمل جاري آهي، ۽ جلد ئي قافلو ٻيهر روانو ڪيو ويندو.
