لاهور (ويب ڊيسڪ) وزيراعليٰ پنجاب مريم نواز اسٽاڪ مارڪيٽ ۾ تاريخي ڏينهن تي شڪر ادا ڪندي چيو آهي ته پاڪستان اسٽاڪ ايڪسچينج دنيا جي بهترين پرفارمنگ ايڪوئٽي مارڪيٽ جو درجو حاصل ڪري چڪي آهي.
پنهنجي بيان ۾ مريم نواز چيو ته وزيراعظم ۽ سندس معاشي ٽيم کي خراج تحسين پيش ڪيان ٿي، اسٽاڪ مارڪيٽ جي تيزي ۽ بلندي سميت هر تاريخي ڪم ۽ عوامي ڀلائي جو هر رڪارڊ ن ليگ جي دور ۾ ٺهندو آهي.
هن چيو ته اسٽاڪ مارڪيٽ جو هڪ لک پوائنٽون پار ڪرڻ عالمي سطح تي پاڪستاني معيشت جي وڌندڙ اعتماد جو واضح ثبوت آهي، ن ليگ جي قيادت ۾ ملڪ نه رڳو استحڪام حاصل ڪيو پر ترقي جي رستي تي هلي رهيو آهي، سيڙپڪارن جو اعتماد دليل آهي ته پاڪستان جو مستقبل روشن آهي.
