لاهور (م ڊ) مسلم ليگ ن جي ميمبر حنا پرويز بٽ پنجاب اسيمبلي ۾ تحريڪ انصاف تي پابندي جو ٺهراءُ جمع ڪرائي ڇڏيو. ٺهراءَ ۾ چيو ويو ته هڪ صوبي جو چيف ايگزيڪٽو ۽ اڳوڻي خاتون اول فيڊريشن تي جٿن سان حملي آور ٿي رهي آهي، هي ايوان تحريڪ انصاف طرفان فيڊريشن تي جٿن سان حملو ڪرڻ جي مذمت ڪري ٿو. شرپسندن پوليس اهلڪارن کي زخمي ڪيو ۽ گاڏين کي باهه ڏني، ٽولي سازش تحت عوام جي جان ۽ مال کي نقصان پهچايو. مطالبو ڪيو ويو ته تحريڪ انصاف جي هڪ ڏينهن جي احتجاج سبب ملڪ کي 190 ارب رپين جو نقصان ٿيو، هي هڪ شدت پسند پارٽي آهي، ان تي فوري پابندي لڳائي وڃي.
