غزا ۾ جاري ويڙهه دوران غير معمولي پيشيوراڻي خدمتن تي فلسطين جي چئن صحافين کي امن جي نوبيل انعام لاءِ نامزد ڪيو ويو آهي.
دي لنڊن اڪنامڪ جي هڪ رپورٽ موجب غزا ۾ جاري ويڙهه دوران انهن صحافين بي مثال بهادري جو مظاهرو ڪندي پنهنجون پيشيوراڻيون ذميواريون نڀايون آهن، انهن جي محنت سان دنيا کي اندازو ٿي سگهيو آهي ته غزا ۾ ڇا ٿي رهيو آهي ۽ اتان جا شهري ڪهڙي صورتحال کي منهن ڏئي رهيا آهن.
نوبيل انعام لاءِ نامزد ڪيلن ۾ فوٽو جرنسلٽ معتِز عزيزا، ٽي وي رپورٽر هند خوداري، صحافي ۽ ايڪٽيوسٽ بسان عوده ۽ رپورٽر وائل الدادوه شامل آهن.
