ڪراچي کان دبئي ويندڙ مسافرن وٽان وڏي مقدار ۾ پرڏيهي ڪرنسي هٿ

ڪراچي (ويب ڊيسڪ)ڪراچي کان دبئي ويندڙ مسافرن وٽان وڏي مقدار ۾ پرڏيهي ڪرنسي هٿ ڪئي وئي.

ڪسٽمز اختيارين موجب هڪ ئي خاندان جي 6 ڀاتين وٽان 55 هزار آمريڪي ڊالر ۽ 9 لک 50 هزار رپيا هٿ ڪيا ويا.

ڪسٽمز اختيارين جو چوڻ آهي ته ڪرنسي ڊڪليئر نه ڪرڻ تي ڪسٽمز ايڪٽ 1969ع تحت ڪارروائي ڪئي وئي. هڪ ئي خاندان جي 6 ماڻهن وٽان اسٽيٽ بينڪ طرفان مقرر ڪيل حد کان وڌيڪ پرڏيهي ڪرنسي هٿ آئي.

اختيارين چيو ته ڪرنسي اسمگلنگ جي روڪٿام لاءِ زيرو ٽالرنس پاليسي تي عمل ڪيو پيو وڃي.