اسلام آباد (ويب ڊيسڪ) وزيراعظم شهباز شريف اوور انوائسنگ ۾ ملوث جوابدارن خلاف ڪارروائي تيز ڪرڻ جي هدايت ڪري ڇڏي.
وزيراعظم جي صدارت هيٺ ايف بي آر جي معاملن تي اجلاس ٿيو، جنهن ۾ اوور انوائسنگ جي حوالي سان ٺاهيل ڪميٽي جي رپورٽ پيش ڪئي وئي.
وزيراعظم چيو ته 2017 کان 2022 تائين اوور انوائسنگ جو مڪروهه ڌنڌو هلندو رهيو پر لاڳاپيل ادارا غافل رهيا، ان ڪم ۾ ملوث سڀني ماڻهن خلاف ڪارروائي تيز ڪئي وڃي.
هن چيو ته ٽيڪس جو پيسو قوم جي امانت آهي، ان جي حفاظت اسان جو فرض آهي، اهڙن واقعن کي روڪڻ لاءِ گڏيل حڪمت عملي جوڙي وڃي.
