اسلام آباد (ويب ڊيسڪ) وفاقي آئيني عدالت ۽ سپريم ڪورٽ جي اختيارن بابت اهم فيصلو جاري ڪيو ويو آهي، وفاقي آئيني عدالت جي جسٽس عامر فاروق اختيارن تي فيصلو سيلز ٽيڪس جي ڪيس ۾ لکيو.
فيصلي موجب 27هين آئيني ترميم کان اڳ قانون ۽ آئين جي تشريح جو اختيار سپريم ڪورٽ وٽ هو پر نئين آئيني ترميم تحت اهو اختيار آئيني عدالت کي منتقل ٿي ويو آهي.
فيصلي ۾ چيو ويو آهي ته آئيني عدالت هاڻ قانون سازي جي آئيني حيثيت جو جائزو به وٺي سگهي ٿي ۽ ڪنهن به تشريحي ڪيس جو رڪارڊ طلب ڪرڻ جو اختيار پڻ رکي ٿي.
جسٽس عامر فاروق واضح ڪيو ته 27هين ترميم کانپوءِ سپريم ڪورٽ جا تشريح ۽ قانون سازي جي جائزي جا اختيار ختم ٿي ويا آهن.
