جهلم (ويب ڊيسڪ) اڳوڻي وفاقي وزير فواد چوڌري چيو آهي ته پي آءِ اي 10 اربن ۾ کپيو ۽ پنجاب حڪومت 11 اربن جو جهاز وٺي ڇڏيو.
نجي ٽي وي چينل جي پروگرام ۾ ڳالهائيندي فواد چوڌري چيو ته پنجاب حڪومت مناسب جهاز به وٺي پئي سگهي پر 11 اربن جو لگزري جهاز ورتو ويو، جيتريون سيٽون ن ليگ اليڪشن ۾ کٽيون، ايترين ئي سيٽن جو جهاز ورتو ويو آهي.
هن چيو ته ملڪ ۾ بادشاهت جو نظام هلي رهيو آهي، جاتي امرا جي ڀت به سرڪاري خرچ سان ٺهرائي وئي آهي، اهي عوام جي مال کي وراثت جو مال سمجهي خرچ ڪندا آهن.
