يوروشلم (ويب ڊيسڪ) اسرائيلي وزيراعظم نيتن ياهو چيو آهي ته آمريڪا کي ڪنهن به جوهري معاهدي تحت ايران کان اهو مطالبو ڪرڻ گهرجي ته هو پنهنجي يورينيم افزدوگي ختم ڪري ۽ مستقبل ۾ وڌيڪ افزودگي کان روڪي.
آچر ڏينهن يروشلم ۾ هڪ خطاب دوران هن ڪيئي شرطن جو ذڪر ڪيو، جن ۾ اِهو به شامل هو ته ”سمورو افزوده مواد ايران کان ٻاهر وڃڻ گهرجي ۽ ايران وٽ افزودگي ڪرڻ جي ڪا به صلاحيت باقي نه رهڻ گهرجي.“
واضح رهي ته اسرائيلي وزيراعظم جو بيان اهڙي وقت ۾ سامهون آيو آهي جڏهن ايراني ۽ آمريڪي عملدار اڱاري تي سوئٽزرلينڊ ۾ ڳالهين جي ٻئي دور جي تياري ڪري رهيا آهن.
