راولپنڊي (ويب ڊيسڪ) پارلياماني سيڪريٽري بئريسٽر دانيال چوڌري چيو آهي ته پاڪستان تحريڪِ انصاف (پي ٽي آءِ جي باني) سان سان ڪنهن به ڊيل بابت ڳالهه ٻولهه ٿي ته اها پارلياماني قوتن سان ٿيندي.
بئريسٽر دانيال چوڌري پي ٽي آءِ باني بابت هلندڙ افواهه ۽ ڊيل جي الزامن تي وضاحت ڪندي چيو ته جيڪڏهن ڊيل بابت ڪا ڳالهه ٻولهه ٿي ته اها رڳو پارلياماني فورم ذريعي ٿيندي.
سندس چوڻ هو ته عمران خان کي موتمار بيماريءَ جي صورت ۾ پرڏيهي علاج لاءِ موڪلي سگهجي ٿو، پر ڪنهن کي به ملڪ ۾ امن امان خراب ڪرڻ جي اجازت نه ڏني ويندي.
هن واضح ڪيو ته علاج لاءِ ضروري سموريون سهولتون جيل ۾ موجود آهن ۽ اڳتي به دستياب رهنديون، جڏهن ته ميڊيڪل بورڊ جي سفارشن تي عمل ڪيو ويندو.
پارلياماني سيڪريٽري سوشل ميڊيا تي پي ٽي آءِ باني جي حامين طرفان هلندڙ پروپيگنڊا کي ڪوڙو قرار ڏيندي چيو ته ڊيل يا ڍيل جا خواهشمند هميشه بيساکيون ڳوليندا آهن، پر حڪومت بليڪ ميلنگ قبول نه ڪندي.
هن وڌيڪ چيو ته عمران خان جي سياست ڌرڻن ۽ احتجاجن تائين محدود آهي، اهڙي صورتحال ۾ ڪنهن به قسم جي رليف جي اميد نٿي رکي سگهجي، ڳالهه ٻولهه لاءِ رڳو پارلياماني رستو ئي اختيار ڪيو ويندو.
