اسلام آباد(بيورو رپورٽ) گذريل سال بهتر مستقبل جي ڳولا ۾ پاڪستان ڇڏي ويندڙ ڊاڪٽرن جي انگ ۾ واڌ ٿي آهي. 2025 ۾ لڳ ڀڳ 4,000 ڊاڪٽر بهتر مستقبل جي ڳولا ۾ پاڪستان ڇڏي ويا.گيلپ پاڪستان جي رپورٽ موجب، ملڪ ڇڏيندڙ ڊاڪٽرن جو تعداد تاريخ جي بلند ترين سطح تي پهچي ويو آهي ۽ ان کان اڳ واري سال 3,800 کان 4,000 ڊاڪٽرن ملڪ ڇڏي ويا. سروي رپورٽ ۾ چيو ويو آهي ته ٽن ڏهاڪن تائين، پاڪستان ڇڏيندڙ ڊاڪٽرن جو تعداد ساليانو ڪجهه سو تي مستحڪم رهيو، پر 2010 کان پوءِ ان ۾ تيزي آئي ۽ 2025 ۾ لڳ ڀڳ 4,000 ڊاڪٽر پاڪستان ڇڏي ويا.رپورٽ موجب، هن لاڙي جا ڪارڻ پڻ واضح آهن، جن ۾ خراب ڪم ڪندڙ حالتون، ترقي جا محدود موقعا، سيڪيورٽي خدشا ۽ بهتر معيار زندگي جي ڳولا شامل آهن. ان سان گڏ، عالمي سطح تي طبي ماهرن جي مضبوط گهرج پڻ پاڪستاني ڊاڪٽرن کي ٻاهرين ملڪ وڃڻ لاءِ هرکائي رهي رهي آهي.
