ڪوئيٽا (ويب ڊيسڪ) وفاقي گهرو وزير محسن نقوي هنگامي دوري تي ڪوئيٽا پهچي ويو، جتي کيس فتنه الهندستان جي تازي دهشتگرد حملن ۽ سيڪيورٽي صورتحال تي بريفنگ ڏني وئي.
بلوچستان ۾ دهشتگردي جي واقعن کانپوءِ محسن نقوي هيڊ ڪوارٽرز ڪوئيٽا جو دورو ڪيو، جتي کيس فتنه الهندستان جي دهستگردن جي حملن ۽ سيڪيورٽي صورتحال جي حوالي سان بريفنگ ڏني وئي.
بريفنگ ۾ بلوچستان جو وڏو وزير سرفراز بگٽي ۽ ڪور ڪمانڊر بلوچستان به شريڪ هئا، گهرو وزير سيڪيورٽي فورسز جي اثرائتي ڪارروائي کي ساراهيو.
محسن نقوي دهشتگرد حملن ۾ شهيد ٿيندڙ اهلڪارن ۽ شهرين کي خراج تحسين پيش ڪيو ۽ چيو ته شهيدن پنهنجون جانيون قربان ڪري دهشتگردن جي ناپاڪ عزمن کي ناڪام بڻائي ڇڏيو.
هن چيو ته دهشتگردي خلاف جاري جنگ آخري دهشتگرد جي خاتمي تائين جاري رهندو.
