ڪراچي (ويب ڊيسڪ) سون لڳاتار ٻئي ڏينهن به 21 هزار رپين کان وڌيڪ مهانگو ٿي ويو آهي.
آل پاڪستان جيمز اينڊ جيولر ايسوسيئيشن موجب، ملڪ ۾ في تولو سون 21 هزار 200 رپين جي واڌ بعد 5 لک 72 هزار 862 رپين جو ٿي ويو آهي.
ايسوسيئيشن موجب، 10 گرام سون به 18 هزار 175 رپيا مهانگو ٿيڻ کانپوءِ 4 لک 91 هزار 136 رپين ۾ وڪرو ٿي رهيو آهي.
ٻئي پاسي عالمي مارڪيٽ ۾ في اونس جي قيمت 212 ڊالر اضافي کانپوءِ 5 هزار 505 ڊالر ٿي وئي آهي.
واضح رهي ته جنوري 2026 دوران سون اگهه ۾ مجموعي طور 1 لک 15 هزار 900 رپيا واڌ رڪارڊ ڪئي وئي آهي.
