جيتوڻيڪ ماڻهن ۾ اهو خيال عام آهي ته هر مٺي ذائقي واري شئي غير صحتمند هوندي آهي پر گلوڪوز سان ڀرپور هڪ اهڙو خشڪ ميوو به آهي، جيڪو صحت لاءِ انتهائي فائديمند آهي. اها آهي خارڪ.
خارڪ ۾ اهڙا ڪيترائي فائدا موجود آهن، جيڪي خاص طور سياري جي مند ۾ ڪيترين ئي بيمارين کان بچائين ٿا.
جيڪڏهن توهان سياري ۾ صحت سان لاڳاپيل مسئلن جهڙوڪ نزلي، زڪام، ٿڌ لڳڻ، سنڌن جي سور ۽ ٻين مرضن ۾ مبتلا آهيو ته توهان کي لازمي طور خارڪ استعمال ڪرڻ گهرجي.
خارڪ کي ريشي، فولاد، ڪيلشيم، وٽامن ۽ ميگنيشيم جو اهم ذريعو سمجهيو وڃي ٿو ۽ اهي سڀ عنصر سياري ۾ انساني جسم کي گرم رکڻ ۾ مددگار ثابت ٿين ٿا.
جيڪڏهن توهان ٿڌ جي اثر سبب نزلي، زڪام ۾ مبتلا آهيو ته ٻه کان ٽي خارڪون، ٻه عدد ننڍا ڦوٽا گرم پاڻي ۾ وجهي ڪجهه دير اُٻاريو، پوءِ ڇاڻي سمهڻ کان اڳ مشروب طور استعمال ڪريو، اهو مسئلو حل ٿي ويندو.
خارڪ ۾ موجود قدرتي کنڊ انساني جسم کي تڪڙي توانائي فراهم ڪرڻ ۾ مدد ڪري ٿي.
ڇو ته خارڪ ريشيدار هوندي آهي، تنهنڪري ان کي سڄي رات پاڻي ۾ ڀڄائي صبح بلينڊر ۾ پيهي نيراني پيئڻ سان قبض کان به ڇوٽڪارو ڏئي ٿي.
ريشي سان ڀرپور هجڻ سبب خارڪ دل جي به حفاظت ڪري ٿي، اها دل جي ڌڙڪي کي اعتدال ۽ ضابطي ۾ رکي ٿي ۽ دل جي دوري جي خطري کان به بچائي ٿي.
خارڪ سنڌن جي سور ۽ سوڄ ۾ گهٽتائي آڻي ٿي، خاص طور سياري جي موسم ۾، جڏهن اهو مسئلو عام هجي ٿو.
