رانچي (ويب ڊيسڪ) ڀارت پهرين ون ڊي ميچ ۾ ڏکڻ آفريقا کي دلچسپ مقابلي کانپوءِ 17 رنسن تان شڪست ڏئي ڇڏي.
3 ميچن جي سيريز جي پهرين ميچ رانچي ۾ کيڏي وئي، جنهن ۾ ڏکڻ آفريقي ڪپتان ايڊن مارڪرم ٽاس کٽي اڳ ۾ بالنگ جو فيصلو ڪيو.
دعوت ملڻ تي پهريان بيٽنگ ڪندي ڀارتي ٽيم مقرر اوورن ۾ 8 وڪيٽن جي نقصان تي 349 رنسون ٺاهيون.
ويرات ڪوهلي 135 رنسن جي شاندار اننگز کيڏي، ڪپتان ڪي ايل راهول 60 ۽ روهت شرما 57 رنسن سان اڳڀرا رهيا.
ڏکڻ آفريقا طرفان جينسن، برگر، بوش ۽ بارٽمين 2-2 وڪيٽون ورتيون.
جواب ۾ ڏکڻ آفريقا سخت مزاحمت ڪئي پر مهمان ٽيم 49.2 اوورن ۾ 332 رنسن تي آئوٽ ٿي وئي.
پروٽيز طرفان بريٽزڪي 72، جينسن 70، بوش 67، زورزي 39، بريوس 37 رنسون ٺاهيون.
ڀارت طرفان ڪلديپ يادو 4، هرشيت رانا 3، ارشديپ سنگهه 2 ۽ ڪرشنا هڪ وڪيٽ ورتي.
