رانچي(ويب ڊيسڪ) ڀارتي ون ڊي ٽيم جي ڪپتان ڪي ايل راهول چيو آهي ته ڏکڻ آفريڪا خلاف ٽيسٽ سيريز ۾ شرمناڪ شڪست کي وساري ٽيم ون ڊي سيريز ۾ نئين شروعات ڪندي.
پرڏيهي ميڊيا موجب، ڏکڻ آفريڪا 26 سالن کانپوءِ ڀارت کي هوم گرائونڊ تي ٽيسٽ سيريز ۾ شڪست ڏني، پهرين ٽيسٽ ۾ 30 رنسن تان ۽ ٻي ٽيسٽ ۾ 408 رنسن جي وڏي مارجن ڪاميابي ماڻي.
اِها شڪست ڀارتي ٽيم لاءِ گهرو صدمو بڻجي وئي، جيڪا گذريل 7 هوم ٽيسٽ ميچن ۾ ڀارت جي پنجين شڪست هئي، ان کان اڳ نيوزيلينڊ به ڀارت کي هوم گرائونڊ تي وائيٽ واش ڪيو هو.
ڀارتي ٽيم جو مستقل ڪپتان شُڀمَن گِل انجري سبب سيريز کان ٻاهر آهي ۽ سندس جاءِ وڪيٽ ڪيپر بيٽر ڪي ايل راهول کي ون ڊي ٽيم جي قيادت سونپي وئي آهي.
ڀارت ۽ ڏکڻ آفريڪا وچ ۾ ٽن هڪ ڏينهن وارين ميچن تي ٻڌل سيريز جي پهرين ميچ 30 نومبر تي رانچي ۾ کيڏي ويندي.
ان ڏس ۾ ميڊيا سان ڳالهائيندي ڪي ايل راهول چيو ته هڪ هفتو اڳ جيڪو ٿيو سڀ وساري اسان کٽڻ تي ڌيان ڏينداسين، مون لاءِ فتح سڀ کان اهم آهي.
هن چيو ته اسان جو ڌيان سڀاڻي واري ميچ تي کتل آهي، اسان اجتماعي ڪوششن سان سيريز کٽڻ جي ڪوشش ڪندسين.
راهول سيينئر بيٽر ويرات ڪوهلي ۽ روهت شرما بابت چيو ته ٻنهي اهميت هر وقت هوندي آهي، ٽيم ۾ سينيئر رانديگرن جو هجڻ ڊريسنگ روم کي وڌيڪ پراعتماد بڻائي ٿو.
