لاهور (عمران شفقت) جنرل عاصم منير جي نئين عهدي، چيئرمين ڊفينس فورس (سي ڊي ايف) جي نوٽيفڪيشن جو انتظار ڪيو پيو وڃي ۽ وزيراعظم هن وقت انگلينڊ جي ذاتي دوري تي آهي. نوٽيفڪيشن ايندڙ 24 ڪلاڪن ۾ گزيٽ ۾ شايع ٿيندو يا نه ٿيندو پر وزيراعظم آفيس ۾ هڪ سرڪاري تقريب جي تياري ڪئي پئي وڃي. هي عهدو 27 هين ترميم جي تحت ٺاهيو ويو آهي، جنهن اڳ ۾ آرمي ايڪٽ ۾ ترميم ڪري آرمي چيف جو مدو 3 سالن کان وڌائي 5 سال ڪيو هو. پاڪستان تحريڪ انصاف جا ڪيترائي اڳواڻ، جهڙوڪ شهزاد اڪبر ۽ معيد پيرزاده، نوٽيفڪيشن جو انتظار ڪري رهيا آهن. ذريعن موجب، پاڪستان آرمي وڪيپيڊيا تي سي ڊي ايف پوسٽ ۽ آرمي چيف جي بايو ڊيٽا کي اپڊيٽ ڪيو آهي. سڀئي انتظام آساني سان ٿي رهيا آهن ۽ سرڪاري تقريب کان پوءِ عهدي کي باضابط طور تي فعال ڪيو ويندو. وزيراعظم جي آمد ۽ تقريب کانپوءِ آرمي چيف سي ڊي ايف جي عهدي جون ذميواريون سنڀاليندو ۽ عمران خان بابت به ڪم شروع ٿي ويندو. ائين لڳي رهيو آهي ته عمران خان خلاف وڌيڪ سخت رويو اختيار ڪيو ويندو.
