حيدرآباد (پ ر) عوامي تحريڪ جي مرڪزي صدر ايڊووڪيٽ وسند ٿري، مرڪزي جنرل سيڪريٽري ايڊووڪيٽ ساجد حسين مهيسر، مرڪزي نائب صدر ستار رند، مرڪزي اڳواڻ عبدالقادر رانٽو، ايڊووڪيٽ اسماعيل خاصخيلي ۽ نور نبي پليجي پنهنجي گڏيل پريس بيان ۾ چيو آهي ته سنڌ ۾ لاقانونيت کي هٿي ڏني وئي آهي، وارهه ۾ دهشتگردي وارو واقعو ڌاڙيلن جي حڪومتي سرپرستي جو نتيجو آهي. ڪشمور_ڪنڌڪوٽ، گهوٽڪي، جيڪب آباد ۽ شڪارپور کانپوءِ هاڻي قمبر شهدادڪوٽ ضلعي کي به مڪمل طور ڌاڙيلن حوالي ڪيو ويو آهي. دادو، نوشهروفيروز ۽ نوابشاهه سميت سمورن ننڍن وڏن شهرن ۾ به چورين ۽ ڦرن جي وارداتن ۾ اضافو ٿيو آهي، سموري سنڌ ۾ چورن، ڦورن ۽ ڌاڙيلن کي پيپلز پارٽي سرڪار جي سرپرستي حاصل آهي.
