هالي ووڊ جي ناليوارن اداڪارن ۽ فلمسازن سميت 3900 کان وڌيڪ فنڪارن اسرائيلي فلمي ادارن جي بائيڪاٽ جو اعلان ڪري ڇڏيو.
اسرائيلي فلمي ادارن جو بائيڪاٽ ڪندڙن ۾ ايما اسٽون، ٽلڊا سوئٽن، سوزن سرينڊن ۽ مارڪ رفالو جهڙا وڏا نالا شامل آهن.
فنڪارن جو چوڻ آهي ته اهي اسرائيلي فلمي ادارن سان گڏ ڪم نه ڪنداسين.
هنن پنهنجي ان قدم کي نسل پرستي ۽ غزا ۾ جاري نسل ڪشي خلاف هڪ اصولي موقف قرار ڏنو.
فنڪارن واضح ڪيو ته اهو بائيڪاٽ انهن ادارن خلاف آهي، جيڪي انساني حقن جي ڀڃڪڙين ۾ شريڪ آهن.
واضح رهي ته ان کان اڳ به هالي ووڊ سميت 1300 کان وڌيڪ عالمي فنڪارن، هدايتڪارن ۽ فلمسازن غزا ۾ جاري ڏاڍ تي اسرائيلي فلمي ادارن جي بائيڪاٽ جو عزم ڪيو هو.
