ڪراچي (ويب ڊيسڪ) اڳوڻي ڪرڪيٽر ڪامران اڪمل چيو آهي ته يو اي اي جي ڪنڊيشن موجب پاڪستان جو بالنگ يونٽ مڪمل نه پيو ٿئي، اسپنر ان ڪنڊيشن ۾ به نه کيڏندا ته ڪٿي کيڏندا؟
ڪراچي ۾ صحافين سان ڳالهائيندي ڪامران اڪمل چيو ته ٽي ملڪي سيريز ۾ ڪيتريون کي غلطيون ڪيوسين، ايشيا ڪپ ۾ اهڙين غلطين جي گنجائش ناهي، اسان کي ننڍين نه وڏين ٽيمن کان به کٽڻو پوندو.
هن چيو ته محمد حارث کي ٽاپ ٿري ۾ کيڏائڻ ئي فائديمند آهي، صائم ايوب کي پهريان 4 کان 5 سال بيٽنگ ڪرايو، ان کانپوءِ بالنگ ڏيوس، في الحال بيٽنگ تان سندس ڌيان نه هٽايو، خواهش آهي ته پاڪستان ڀارت خلاف کٽي پر قومي ٽيم کي وڏي محنت ڪرڻي پوندي.
