اسلام آباد(عبدالله طارق سهيل)شنگھائي ڪانفرنس جا نتيجا سڄي دنيا ۾ بحث هيٺ آهن۔ عالمي ميڊيا تي اهو تاثر ڏنو پيو وڃي ته آمريڪا ۽ يورپ جي مقابلي ۾ چين، روس ۽ ڀارت جو هڪ طاقتور اتحاد ٺهڻ وارو آهي، سوال اهو آهي ته ڇا هي اتحاد واقعي ٺهي سگهندو؟ ۽ جيڪڏهن ٺهيو ته پوءِ پاڪستان ڪٿي بيهندو؟ ڇا پاڪستان ٻيهر آمريڪي ڪيمپ ۾ هليو ويندو؟ساڳئي وقت هڪ ٻيو موضوع به بحث ۾ آهي پي ٽي آءِ جي سوشل ميڊيا تي اهو دعويٰ ٿي رهيو آهي ته شنگھائي ڪانفرنس ۾ وزيراعظم شهباز شريف کي نظرانداز ڪيو ويو ۽ کيس اهميت نه ڏني وئي۔ ان ڳالهه جو پوسٽ مارٽم ڪيو پيو وڃي ته آخر حقيقت ڇا آهي ۽ اهو تاثر ڇو پيدا ٿيو۔ پاڪستان ان ڪانفرنس جو رڪن آهي، جيئن ازبڪستان، ڪرغزستان، بيلا روس ۽ ٻيا ملڪ۔ تنهنڪري پاڪستان جي شرڪت ڪا غيرمعمولي ڳالهه نه هئي۔ تنهنڪري ميڊيا جو فوڪس پاڪستان تي نه ٿيو۔شهباز شريف کي اهميت نه ڏيڻ جو تاثر ڪجهه فوٽوگرافس مان پيدا ٿيو، جتي گروپ فوٽو ۾ مودي کي شهباز شريف کان هڪ قدم اڳيان رکيو ويو۔ ساڳي طرح اسٽيج تي قومي جهنڊن جي ترتيب ۾ به ڀارت جو جهنڊو اڳتي رکيل هو ۽ پاڪستان جو گهڻو پويان۔ پر حقيقت اها آهي ته پاڪستان ڪانفرنس ۾ ڪا خاص ايجنڊو وٺي نه ويو هو، تنهنڪري ان تي ڌيان به گهٽ ٿيو۔ٻي طرف، چين پاڪستان بابت ڪجهه شڪن ۾ آهي، مثال طور، مائنز منرل واري معاملي ۾ چين کي آڇ نه ڪرڻ ۽ شهباز شريف ۽ اسحاق ڊار جو ٽرمپ کي نوبل انعام ڏيڻ وارو بيان، چين لاءِ ناخوشگوار تاثر ڇڏيا۔ ڀارت ۾ مودي جي سخت مخالفت ٿي رهي آهي۔ ميڊيا ۽ اپوزيشن پارٽيون کيس سخت تنقيد جو نشانو بڻائي رهيون آهن ته هن چين جي اڳيان سرنڊر ڪري ڇڏيو۔ جيڪڏهن چين، روس ۽ ڀارت جو اتحاد مضبوط ٿئي ٿو ته آمريڪا ۽ يورپ لاءِ وڏو خطرو ٿيندو.
