نئين دهلي (ويب ڊيسڪ) ڀارت جي بچاءَ واري وزير راج ناٿ سنگهه چيو آهي ته پاڪستان سان تازي جنگ ڪنهن ٻاهرئين دٻاءَ جي بنياد تي ختم نه ڪئي وئي، مئي ۾ پاڪستان سان ويڙهه ۾ ڀارت پنهنجا سمورا مقصد حاصل ڪري ورتا هئا.
ڀارتي پارليامينٽ ۾ هڪ بحث دوران راج ناٿ سنگهه آمريڪي صدر ڊونلڊ ٽرمپ جي دعوائن کي رد ڪندي چيو ته ڀارت اها عسڪري ڪارروائي ان ڪري روڪي، ڇو ته سياسي ۽ عسڪري سطح تي جيڪي هدف جنگ کان اڳ ۽ دوران طئي ڪيا ويا هئا، اهي مڪمل طور تي حاصل ڪيا ويا.
سندس موجب اهو چوڻ ته اها ڪارروائي ڪنهن دٻاءَ سبب روڪي وئي، بلڪل بي بنياد ۽ سراسر غلط آهي.
