لاهور (ويب ڊيسڪ) پاڪستان جي لاءِ پهريون گولڊ ميڊل کٽيندڙ ريسلر دين محمد لاڏاڻو ڪري ويو.
دين محمد 1954ع جي ايشيائي راندين (ايشيئن گيمز) ۾ پاڪستان لاءِ گولڊ ميڊل کٽيو هو.
ريسلر دين محمد جي عمر 100 ورهين کان مٿي هئي.
لاهور جي علائقي باٽاپور سان واسطو رکندڙ دين محمد پهلوان منيلا ۾ ٿيل ايشيئن گيمز ۾ پاڪستان جي نمائندگي ڪندي فلپائن، ڀارت ۽ جپان جي پهلوانن کي شڪست ڏئي ملڪ جو پرچم اونچو ڪيو هو.
دين محمد نه رڳو ايشيئن گيمز ۾ ميڊل کٽيو، پر ڪيترن ئي بين الاقوامي مقابلن ۾ پاڪستان جي نمائندگي ڪئي ۽ ڪامن ويلٿ گيمز ۾ به برونز ميڊل حاصل ڪيو.
راندين واري صوبائي وزير ملڪ فيصل ايوب کوکر ۽ ڊي جي اسپورٽس پنجاب خضر افضل چوڌري بابا دين محمد جي لاڏاڻي تي گهري ڏک ۽ افسوس جو اظهار ڪيو آهي.
صوبائي وزير راندين چيو ته ريسلر دين محمد جون ملڪ لاءِ خدمتون وسارڻ جهڙيون ناهن، هن ريسلنگ جي ميدان ۾ پاڪستان جو نالو روشن ڪيو.
