اسلام آباد (ويب ڊيسڪ) صدر آصف علي زرداري چيو آهي ته اسان جديد ٽيڪنالاجي ماڻهن تائين منتقل ڪرڻ چاهيون ٿا.
ايوان صدر ۾ بينظير هنرمند پروگرام جاري ڪرڻ جي تقريب کي خطاب ڪندي صدر آصف علي زرداري چيو ته پروگرام ذريعي قوم جي ٻارن ۽ ٻارڙين کي هنرمند بڻايو ويندو ۽ پروگرام تحت ڪمپيوٽر، جديد تعليم ۽ هنر سيکاريا ويندا، هنر سکي نوجوان ملڪ جو نالو روشن ڪندا.
هن چيو ته ملڪ کان ٻاهر نرسنگ جهڙي شعبي جي وڏي گهر آهي ۽ ٻارڙين کي ان شعبي ۾ تربيت فراهم ڪئي ويندي، هنرمند پروگرام ذريعي جرمن ۽ چيني ٻوليون به سيکاريون وينديون.
سندس چوڻ هو ته پ پ پنهنجي نظريي تحت عام ماڻهن کي بااختيار بڻائڻ چاهي ٿي ۽ پورهيت جو ٻار به هنر سکي پنهنجي خاندان ۽ قوم جي خدمت ڪري سگهي ٿو، اسان جديد ٽيڪنالاجي کي ماڻهن تائين منتقل ڪرڻ چاهيون ٿا.
