لاهور (ويب ڊيسڪ) پراونشل ڊزاسٽر مينيجمينٽ اٿارٽي (پي ڊي ايم اي) پنجاب پاران گرمي جي لهر ۾ شدت بابت الرٽ جاري ڪيو ويو آهي، جنهن موجب پنجاب ۾ 12 جون تائين هيٽ ويو ۽ گرمي جي لهر جاري رهندي.
پي ڊي ايم اي جي پڌرائي مطابق پنجاب جي گهڻن ضلعن ۾ ايندڙ هفتي دوران گرمي جي لهر ۾ واڌ جو امڪان آهي، جڏهن ته ڏکڻ پنجاب ۾ هيٽ ويو 12 جون تائين رهڻ جي اڳڪٿي ڪئي وئي آهي.
ان عرصي دوران صوبي ۾ گرمي ۽ هيٽ ويو جي لهر برقرار رهندي ۽ 12 جون تائين گرمي پد معمول کان 4 کان 7 ڊگري وڌيڪ رهڻ جو امڪان آهي.
پي ڊي ايم اي ترجمان چيو ته وزيراعليٰ پنجاب مريم نواز جي هدايتن تي لاڳاپيل ادارا هاءِ الرٽ آهن ۽ سڀني اسپتالن ۾ هيٽ ويو ڪائونٽر قائم ڪيا ويا آهن.
ان کانسواءِ هيٽ اسٽروڪ کان بچاءَ لاءِ ضروري دوائن جي فراهمي کي يقيني بڻائڻ جي هدايت به جاري ڪئي وئي آهي.
