ڪرج (ويب ڊيسڪ) فلسطين دفاعي چيمپيئن پاڪستان کي سخت مقابلي کانپوءِ شخت ڏئي ويسٽ ايشيا بيس بال چيمپيئن شپ کٽي ورتي.
ايران جي شهر ڪرج ۾ ٿيل ويسٽ ايشيا بيس بال چيمپيئن شپ جي فائنل ۾ فلسطين پاڪستان خلاف پهرين اننگز ۾ هڪ ۽ ٽِين اننگز ۾ ٽي رنسون ٺاهي 0-3 سرسي حاصل ڪئي ۽ پاڪستان تي دٻاءُ وڌو.
چوٿين اننگز ۾ پاڪستان رنسون ٺاهي خسارو گهٽايو، پنجين اننگز جي ٽاپ هاف ۾ پاڪستان وڌيڪ هڪ رنس ٺاهي پر بوٽم ۾ فلسطين رنسن ٺاهي پنهنجي پوزيشن مضبوط ڪئي.
اٺين اننگز جي پڄاڻي تائين فلسطين کي پاڪستان تي 2-4 جي سرسي حاصل هئي پر نائين اننگز ۾ پاڪستان مقابلو چار-چار تان برابر ڪرڻ ۾ ڪامياب رهيو.
نائين اننگز ۾ مقابلو برابر ٿيڻ کانپوءِ ميچ کي فيصلائتو بڻائڻ لاءِ واڌو اننگز کيڏي وئي جنهن ۾ پاڪستان اسڪور نه ڪري سگهيو پر فلسطين رن مڪمل ڪري چيمپيئن شپ پنهنجي نالي ڪري ورتي.
ان کان اڳ ٽِين پوزيشن جي ميچ ۾ ايارن ڀارت کي شڪست ڏني هئي.
