گرمي جي موسم ۾ ايندڙ فاروا نه رڳو ذائقي ۾ لاجواب هوندا آهن پر صحت کي به بيشمار فائدا پهچائين ٿا.
ان ميوي کي گرمي جو دشمن به چيو ويندو آهي ۽ اڄڪلهه فارون جي مند آهي، تنهن ڪري اچو ته ان جا فائدا ڄاڻيون
گرمي جي شدت گهٽائي ٿو
فارون جو تاثير ٿڌو آهي ۽ سخت گرمي ۾ جسم کي راحت بخشي ٿو.
هاضمي جي نظام لاءِ فائديمند
فاروا هاضمي کي بهتر بڻائين ٿا ۽ معدي جي تيزابيت گهٽائين ٿا، ان جي استعمال سان گيس جا مسئلا به ختم ٿين ٿا.
دل جي لاءِ فائديمند
فارون ۾ موجود اينٽي آڪسيڊنٽ دل جي صحت لاءِ فائديمند آهن، اهو رت جي نالين کي صاف رکي ٿو ۽ بلڊ پريشر کي متوازن رکي ٿو.
مدافعتي نظام مضبوط بڻائي ٿو
فاروا وٽامن سي سان ڀرپور هوندا آهن ۽ جسم جي مدافعتي نظام کي مضبوط بڻائي بيمارين کان بچاءَ ۾ مدد ڪن ٿا.
رت جي صفائي
فارون ۾ موجود غذائي جزا رت جي صفائي ۾ مددگار ٿين ٿا ۽ جلد کي به بهتر بڻائين ٿا.
