لاهور (ويب ڊيسڪ) وزيراعظم شهباز شريف سان وفاقي گهرو وزير محسن نقوي اهم ملاقات ڪئي آهي، جنهن ۾ سنڌو درياهه تي ڪينال اڏڻ، بلوچستان ۽ خيبر پختونخواهه ۾ امن امان جي صورتحال تي ڳالهيون ڪيون ويون.
ذريعن موجب محسن نقوي وزيراعظم سان لاهور ۾ اهم ملاقات ڪئي آهي، جنهن ۾ هن وزيراعظم کي افغان شهرين جي واپسي لاءِ جاري آپريشن بابت به آگاهه ڪيو.
ذريعن جو چوڻ آهي ته ٻنهي ۾ سنڌو درياهه مان ڪينال ڪڍڻ تي عوامي ردعمل تي به ڳالهه ٻولهه ٿي، جڏهن ته گهرو وزير بجلي اگهه گهٽائڻ تي وزيراعظم کي مبارڪباد ڏني.
ذريعن موجب ملاقات ۾ بلوچستان ۽ خيبر پختونخواهه ۾ امن امان جي حوالي سان کنيل قدمن تي به خيالن جي ڏي وٺ ڪئي وئي.
