اسلام آباد( م ڊ) 23 مارچ تي مختلف شعبن سان تعلق رکندڙ ماڻهن کي سندن خدمتن جي اعتراف ۾ سرڪاري ايوارڊن سان نوازيو پيو وڃي، بهرحال، هن ڀيري پڻ ڪجهه نالن تي گڏيل سڏيل رد عمل سامهون آيو آهي، آصف زرداري مجموعي طور تي 23 مارچ يوم پاڪستان تي مختلف شعبن ۾ 69 ملڪي ۽ غير ملڪي شخصيتن کي سول ايوارڊن سان نوازيو. انهن ۾ هڪ اڳوڻي وزيراعظم کان علاوه ڪيترن ئي صحافين جا نالا به شامل آهن، گذريل ڪجهه سالن کان جڏهن به اهو موقعو سامهون ايندو آهي ته اها به دعويٰ ڪئي ويندي آهي ته انهن ايوارڊن ۾ ’سفارش‘ ۽ ’دٻاءُ‘ شامل آهن، صدر آصف زرداري پاڪستان جي اڳوڻي وزيراعظم ۽ سندس ناٺي ذوالفقار علي ڀٽو کي ايوارڊ سان نوازيو، جيڪو سندس ڌيءَ صنم ڀٽو وصول ڪيو، هن ڀيري به صدر ۽ گورنرن کان ايوارڊ حاصل ڪرڻ وارن ۾ ڪجهه صحافي به شامل آهن، صحافي ۽ تجزيه نگار مظهر عباس موجب هي هڪ روايتي تقريب آهي، جڏهن ته هن چيو ته آئين ۾ واضح آهي ته اهي ايوارڊ ڪنهن کي ڏئي سگهجن ٿا، سندس چوڻ هو ته هڪ دفعي 1973ع جي آئين جي معمارن مان هڪ عبدالحفيظ پيرزادي سپريم ڪورٽ ۾ اڳوڻي وزيراعظم ذوالفقار علي ڀٽو جي هڪ تقرير جو حوالو ڏنو هو جنهن ۾ هن سرحدن جي حفاظت ۽ نرسنگ جي شعبن ۾ ايوارڊ تي تنقيد ڪندي چيو هو ته جيڪو ڪجهه ڪري رهيا آهيون اهو اسان جي فرضن جو حصو آهي، مظهر عباس موجب پاڪستان ۾ هن وقت هي ايوارڊ ’سياسي رشوت ۽ انعام طور وڌيڪ ڏنو ويندو آهي، هن چيو ته هي تقريب هاڻي انعام ڏيڻ ۽ جشن ملهائڻ لاءِ جمعا بازار بڻجي وئي آهي، مظهر عباس موجب ماضيءَ ۾ اهڙا مثال موجود آهن، جن هن ايوارڊ وٺڻ کان انڪار ڪيو آهي، هن چيو ته ايوارڊ جي هڪ شان آهي ۽ اهو واضح ٿيڻ گهرجي ته هي ايوارڊ ڪنهن کي ڪهڙين خدمتن تي ڏنو پيو وڃي،سينيئر صحافي اشرف شاد جو چوڻ آهي ته ايوارڊ ڏيڻ جو اهو سلسلو مسلسل جاري آهي، اشرف شاد چيو ته هاڻ حڪومت اهڙي شخص کي ڪڏهن به ايوارڊ نه ڏيندي، جيڪو پنهنجي حقيقي ڪارڪردگيءَ جي ڳالهه ڪري يا سندس خاميون ظاهر ڪري، صحافي مجيد نظامي لکيو ته جعلي بئنڪ اڪائونٽس اسڪينڊل ۾ مشهور، سنڌ ۾ شگر ملن جي مالڪ، اومني گروپ جي سربراهه ۽ آصف علي زرداري جي ويجهي دوست خواجه انور مجيد کي پاڪستان جي ٻئين وڏي سول اعزاز ”هلال امتياز“ سان نوازيو ويو آهي. هن تجويز ڏني آهي ته کيس سندس خدمتن تي ايوارڊ ملڻ گهرجي ها،ناروي ۾ رهندڙ صحافي عفت حسن رضوي عمر فاروق جي ايوارڊ تي تبصرو ڪندي چيو ته ڇا خدمت جو اعتراف ڪيو ويو آهي؟، هن لکيو ته ناروي ۾ فراڊ جي مفرور جوابدار کي پاڪستان ۾ سول ايوارڊ ڏنو پيو وڃي.
