خيبر (ويب ڊيسڪ) خيبر ضلعي جي علائقي باغ ۾ سڪيورٽي فورسز جي آپريشن دوران چار دهشتگرد مارجي ويا، جڏهن ته 2 دهشتگردن کي گرفتار ڪيو ويو آهي.
آءِ ايس پي آرموجب خيبر ضلعي جي علائقي باغ ۾ سڪيورٽي فورسز جي آپريشن جي نتيجي ۾ دهشتگرد ڪمانڊر عزيز الرحمان عرف قاري اسماعيل ۽ مخلص سميت چار دهشتگرد مارجي ويا آهن، جڏهن ته 2 دهشتگرد گرفتار ٿيا آهن.
آءِ ايس پي آر جو چوڻ آهي ته مارجي ويل دهشتگردن جي قبضي مان هٿيار ۽ بارود به هٿ ڪيا ويا آهن.
آءِ ايس پي آر موجب، مارجي ويل دهشتگرد سڪيورٽي فورسز ۽ شهرين خلاف ڪاررواين ۾ ملوث آهن.
آءِ ايس پي آر جو چوڻ آهي ته سڪيورٽي فورسز ملڪ مان دهشتگردي جي لعنت جي خاتمي لاءِ پرعزم آهي.
