ڪراچي (ويب ڊيسڪ) ڪراچي ۾ نئين سال جي شروعات تي پيپلز بس سروس 4 قسمن جي نين بسن سان پنهنجي نيٽ ورڪ کي وڌائي ڇڏيو.
هلندڙ سال جي شروعات تي پيپلز بس سروس ۾ 4 نون روٽن جي واڌ ۽ 40 نين بسن جي شموليت کانپوءِ شهر ۾ بسن جو انگ 300 ٿي ويو آهي.
واضح رهي ته پيپلز بس سروس ۾ ڊيزل، اليڪٽرڪ ۽ هائبرڊ بسون شامل آهن، هائبرڊ بسن ۾ ڪجهه بيٽري تي ۽ ڪجهه سپر ڪيپيسيٽر تي هلنديون آهن.
ان حوالي سان پيپلز بس سروس جي مئنيجر عبدالشڪور چيو ته هن سال ڪراچي ۾ 40 نين بسن ۽ 4 واڌو روٽن ذريعي سروس کي وڌايو ويو آهي پر شهر کي اڃا وڌيڪ بسن جي ضرورت آهي، تنهن هوندي شهري ان سهولت مان مطمئن نظر اچن ٿا.
