آءِ سي سي مينز ٽي ٽوئنٽي ڪرڪيٽر آف دي ايئر لاءِ نامزدگيون، پاڪستاني رانديگر به شامل

دبئي (ويب ڊيسڪ) انٽرنيشنل ڪرڪيٽ ڪائونسل مينز ٽي ٽوئنٽي ڪرڪيٽر آف دي ايئر لاءِ نامزدگين جو اعلان ڪري ڇڏيو.
آءِ سي سي طرفان نامزد ڪيل رانديگرن ۾ پاڪستان جو بابر اعظم به شامل آهي، جنهن 24 ميچن ۾ 738 رنسون اسڪور ڪيون.
ان کانسواءِ ڀارت جي ارشديپ سنگهه کي نامزد ڪيو ويو آهي، جنهن 18 ميچن ۾ 36 وڪيٽون حاصل ڪيون.
زمبابوي جي سڪندر رضا کي به ايوارڊ لاءِ نامزد ڪيو ويو آهي، جنهن 24 ميچن ۾ 573 رنسون ٺاهيون ۽ 24 وڪيٽون حاصل ڪيون.
آءِ سي سي آسٽريليا جي ٽريوس هيڊ کي به ايوارڊ لاءِ نامزد ڪيو آهي، جنهن 15 ميچن ۾ 539 رنسون ٺاهيون.