ڪراچي (ويب ڊيسڪ) قدرتي گيس جي ذخيرن ۾ سالياني گهٽتائي سبب سوئي سدرن گيس ڪمپني چيلينجن کي منهن ڏئي رهي آهي.
سوئي سدرن گيس ڪمپني جي ترجمان موجب قدرتي وسيلن ۾ گهٽتائي سبب طلب ۾ غير معمولي اضافو ٿي ويندي آهي، 18-2017 کان سوئي سدرن کي حاصل ٿيندڙ گيس جي فراهمي ۾ 40 سيڪڙو گهٽتائي ٿي آهي.
اختيارين جو چوڻ آهي ته گذريل 7 سالن دوران تقريبن 465 ايم ايم سي ايف ڊي گيس جي گهٽتائي رڪارڊ ڪئي وئي آهي، حڪومت جي منظور ڪيل لوڊ مينيجمينٽ پلان موجب گهريلو واهپيدارن کي ترجيح ڏني پئي وڃي.
