ممبئي(ويب ڊيسڪ)باليووڊ جي سپر اسٽار سلمان جي ڪهڙي به فلم جي تياري شروع ٿيڻ ته پري جي ڳالهه رڳو ڪنهن فلم جو نالو يا سلمان خان جي ڪاسٽ جي خبر پئجي وڃي ته فلم انڊسٽري ۾ ٻڙڌڪ مچي ويندو آهي.
اهڙي ئي حوالي سان سلمان خان جي ايندڙ سال جاري ٿيندڙ فلم به پهرين ڏينهن کان وٺي فلمي دنيا ۾ وڏو ٻائيتال مچائي ڇڏيو آهي، هر ماڻهو ان فلم جي هر چرپر تي نظر رکي رهيا آهن جيڪا سوشل ميڊيا جي مختلف پليٽ فارمز تي وائرل ٿي رهي آهي.
دبنگ خان فلم جي حوالي سان انتهائي اهم ۽ دلچسپ سين کي رڪارڊ ڪرڻ لاءِ تيار آهي. هدايتڪار اي آر مروگاداس هڪ شاندار ٽرين ايڪشن سيڪوئنس جي منصوباندي ڪري ورتي آهي جيڪو فلم جو سڀ کان وڌيڪ واضح حصو هوندو.
ان حوالي سان بورولي اسٽوڊيو ۾ هڪ وسيع ۽ حقيقي منظر جي لاءِ خاص سيٽ تيار ڪيو ويو آهي، ان سين ۾ سلمان خان هڪ گينگ خلاف رتوڇاڻ ويڙهه ڪندي نظر ايندو.
ذريعن ٻڌايو آهي اهو سين وڏي پيماني تي فلمايو پيو وڃي، هدايتڪار ايڪشن ڪوريو گرافر کي اهو چيو آهي ته اهو سين انتقامي ۽ رتوڇاڻ وارو هجڻ گهرجي.
منظر کي وڌيڪ دلچسپ بڻائڻ جي لاءِ ساڍا ٽي سئو ماڻهن سان عوامي سين به فلمايا ويا آهن، شوٽنگ دوران سيڪيورٽي خدشن کي به نظر ۾ رکيو پيو وڃي.
