ابوظهبي ( م ڊ ) گڏيل عرب اماراتن روزگار لاءِ ايندڙ پاڪستانين لاءِ ويزا جون نيون شرطون لاڳو ڪري ڇڏيون آهن، گڏيل عرب امارتن ۾ روزگار لاءِ ويندڙ پاڪستانين لاءِ نئين ويزا شرط لاڳو ڪئي وئي آهي. يو اي اي بيورو آف اميگريشن جي مطابق، امارات ۾ ڪم ويزا لاءِ درخواست ڏيڻ وارن لاءِ هڪ ڪريڪٽر سرٽيفڪيٽ گهربل هوندو.پاڪستان اوورسيز ايمپلائمينٽ ايسوسي ايشن موجب پاڪستانين کي پوليس جو ڪريڪٽر سرٽيفڪيٽ ڏيکارڻ لازمي هوندو. پاڪستان اوورسيز ايمپلائمينٽ ايسوسي ايشن جو چوڻ آهي ته يو اي اي حڪومت پاران شڪايتن جي حل لاءِ کنيل قدم تعريف لائق آهن. ميڊيا رپورٽن موجب گڏيل عرب امارات مختلف شڪايتن سبب پاڪستان جي 30 شهرن جي وزٽ ويزا تي پابندي لڳائي چڪي آهي.
