اسلام آباد (ويب ڊيسڪ) چيف جسٽس آف پاڪستان جسٽس يحيٰ آفريدي جڊيشل ڪميشن جو پهريون اجلاس طلب ڪري ورتو.
چيف جسٽس يحيٰ آفريدي 5 نومبر تي جڊيشل ڪميشن جو اجلاس طلب ڪيو آهي، جڊيشل ڪميشن جو اجلاس 5 نومبر تي منجهند 2 وڳي سپريم ڪورٽ ۾ چيف جسٽس جي صدارت ۾ ٿيندو.
26هين آئيني ترميم ۽ جڊيشل ڪميشن نئين سر جڙڻ کانپوءِ اهو پهريون اجلاس هوندو.
اجلاس ۾ جڊيشل ڪميشن جي سيڪريٽريٽ جي قيام تي ڳالهه ٻولهه ٿيندي، سپريم ڪورٽ ۾ آئيني بئنچن لاءِ ججن جي نامزدگي تي به غور ڪيو ويندو.
اجلاس ۾ جسٽس منصور علي شاهه، جسٽس منيب اختر، جسٽس امين الدين، وفاقي وزير اعظم نذير تارڙ، اٽارني جنرل منصور عثمان اعواڻ، پاڪستان بار ڪائونسل جو نمائندو اختر حسين، پ پ سينيٽر فاروق ايڇ نائيڪ، ن ليگ جو شيخ آفتاب احمد، تحريڪ انصاف جا عمر ايوب، شبلي فراز ۽ عورت ميمبر روشن خورشيد به شرڪت ڪندي.
