رياض (ويب ڊيسڪ ) پاڪستان ڪرڪيٽ ٽيم جي اڳوڻي ڪپتان شعيب ملڪ، محمد رضوان جي ڪپتان بڻجڻ تي خوشيءَ جو اظهار ڪيو آهي.
سعودي عرب جي راڄڌاني رياض ۾ ميڊيا سان ڳالهائيندي شعيب ملڪ چيو ته محمد رضوان جي قومي ٽيم جي ڪپتان بڻجڻ تي خوشي ٿي، هو سمارٽ ڪرڪيٽر آهي.
هن چيو ته محمد رضوان جتي به ڪپتاني ڪئي ڪامياب رهيو، اميد آهي ته قومي ٽيم سندس ڪپتاني قومي ٽيم لاءِ به سٺو سنئوڻ ثابت ٿيندي.
اڳوڻي ڪپتان وڌيڪ چيو ته ناڪامي وڌيڪ سيکاريندي ۽ ڪاميابي اوهان جو دماغ خراب ڪندي آهي.
واضح رهي ته ڪجهه ڏينهن اڳ پي سي بي طرفان محمد رضوان کي پاڪستان جي وائيٽ بال ٽيم جو ڪپتان مقرر ڪيو ويو.
