راولپنڊي (ويب ڊيسڪ) جنرل هيڊ ڪوارٽرز (جي ايڇ ڪيو) حملي ڪيس ۾ تحريڪ انصاف باني عمران خان ۽ شيخ رشيد سميت ٻين جوابدارن تي ايندڙ ٻڌڻي تي فرد جرم لاڳو ٿيڻ جو امڪان آهي.
راولپنڊي جي دهشتگردي ٽوڙ عدالت جي جج امجد علي شاهه 9 مئي جي ڪيسن جي ٻڌڻي ڪئي، شيخ رشيد، صداقت عباسي، راجا بشارت ۽ ٻيا عدالت ۾ پيش ٿيا، پوليس ڪيس جو چالان پيش ڪيو.
شيخ رشيد سميت ٻين جوابدارن ۾ چالان جون ڪاپيون ورهايون ويون.
پي ٽي آءِ باني ۽ شيخ رشيد تي ايندڙ ٻڌڻي تي فرد جرم لاڳو ٿيڻ جو امڪان آهي.
عدالت جي ايڇ ڪيو حملي ڪيس جي ٻڌڻي 30 آڪٽوبر تائين ملتوي ڪري ڇڏي.
