فيصل آباد (ويب ڊيسڪ) چيمپئنز ون ڊي ڪپ ۾ ڊولفنز جي نمائندگي ڪندڙ صاحبزادا فرحان چيو آهي ته ٽورنامينٽ ۾ منهنجو هدف ٽاپ اسڪورر بڻجڻ ۽ چيمپيئنز ٽرافي تي نظرون آهن.
نجي ٽي وي چئنل کي انٽرويو ۾ صاحبزادا فرحان چيو ته چيمپيئنز ڪپ بهترين ٽورنامينٽ آهي، سخت مقابلا ٿي رهيا آهن، ايونٽ ۾ زبردست بيٽر ۽ بالر شامل آهن، شوقينن جي موجودگي راند کي وڌيڪ دلچسپ بڻائي ڇڏيو آهي.
هن چيو ته منهنجو هدف ٽورنامينٽ ۾ٽاپ اسڪورر بڻجڻ آهي، جڏهن ته چيمپيئنز ٽرافي ۾ پاڪستان جي نمائندگي ڪرڻ چاهيان ٿو پر رڳو هڪ ٽورنامينٽ کي ڏسڻ ڪافي ناهي، ايندڙ 6 مهينن ۾ وڌيڪ ڪرڪيٽ کيڏڻي آهي ۽ سڀني رانديگرن جي ڪارڪردگي کي نظر ۾ رکيو ويندو.
