ممبئي (ويب ڊيسڪ ) ڀارت جي مشهور ترين ويب سيريز” مرزا پور “ جي ڪاسٽ ۾ سپر اسٽار رٿِڪ روشن جي انٽري جون خبرون گردش ڪري رهيون آهن.
مرزاپور 2018 ۾ رليز ٿي هئي جنهن کي شوقينن طرفان تمام گهڻي موٽ ملي، سيريز جو ٻيو سيزن 2020 ۾ رليز ڪيو ويو.
اپريل 2024 ۾ مرزا پور جي ٽئين سيزن جو اعلان ڪيو ويو جيڪو هلندڙ سال پنج جولاءِ تي رليز ڪيو ويو جنهن ڪاميابي جا نوان رڪارڊ قائم ڪيا هئا.
هاڻي خبرون گردش ڪري رهيون آهن ته مرزا پور ويب سيريز تي فلم ٺاهي ويندي جنهن ۾ رٿِڪ روشن کي ڪاسٽ ڪيو ويندو.
رٿِڪ روشن فلم ۾ پنڪج ترپاٺي جي جاءِ والاريندو جنهن مرزا پور جي ٽنهي سيزن ۾ ” ڪالين ڀِيا “ جو ڪردار نڀايو هو.
رپورٽس موجب، فلم ۾ رڳو رٿڪ روشن جي ڪردار ” ڪالين ڀيا“ جي ڪردار کي ڪهاڻي جو مرڪز رکيو ويو ويندو .
مرزا پور جي هدايتڪار گُرميت سنگهه ان ڏس ۾ خاموشي ٽوڙيندي چيو ته في الحال پرڊيوسر ۽ اسٽوڊيو طرفان ان پروجيڪٽ جو باظابطا اعلان نه ڪيو ويو آهي جيڪي ان فيصلي جو حق رکن ٿا.
هن خبر جي ترديد يا تصديق ڪرڻ کانسواءِ ان موقف تي قائم رهيو ته فلم ٺاهڻ يا نه ٺاهڻ جو اعلان فلمساز ئي ڪندو.
ڪرن انشومن ۽ پونيت جي مرزا پور جي مرڪزي ڪاسٽ ۾ علي فضل، پنڪج ترپاٺي، شويتا ترپاٺي، ايشا تلوار، وجئه ورما، راسيڪا دوگل، راجيش تيلانگ ۽ انجم شرما شامل آهن.
ياد رهي ته ويب سيريز جي ميڪرز چوٿين سيزن سان گڏ واپسيءَ جي تصديق ڪري چڪا آهن، جڏهن ته حتمي تاريخ جو اعلان بعد ۾ ڪيو ويندو.
