اسلام آباد (ويب ڊيسڪ) نيشنل ڊزاسٽر مئنيجمينٽ اٿارٽي (اين ڊي ايم اي) پهرين جولاءِ کان 17 آگسٽ تائين ملڪ ۾ تيز برساتن سان ٿيندڙ تباهين ۽ نقصانن جي رپورٽ جاري ڪري ڇڏي.
رپورٽ موجب پهرين جولاءِ کان هيل تائين 189 ڄڻا فوت ٿيا، پنجاب ۾ 68، ڪي پي ۾ 65، سنڌ ۾ 32، بلوچستان ۾ 15، گلگت بلتستان ۾ 4 ۽ آزاد ڪشمير ۾ 5 فوتگيون ٿيون.
چوماسي برساتن جي نتيجي ۾ 333 ڄڻا زخمي به ٿيا، جن ۾ 137 ٻار ۽ 85 عورتون شامل آهن، برساتن ۽ ٻوڏ سان 645 گهر مڪمل تباهه ۽ 1419 گهرن کي جزوي نقصان پهتو، 8 اسڪولن ۽ 35 پلن کي به نقصان پهتو، جڏهن ته 323 جانور به مري ويا.
