ڪراچي (ويب ڊيسڪ) سوئي سدرن گيس ڪمپني (ايس ايس جي سي) ڪراچي جي مختلف علائقن ۾ 4 آگسٽ تي 12 ڪلاڪ لوڊشيڊنگ جو اعلان ڪيو آهي.
ايس ايس جي سي پاران جاري ڪيل پڌرائي موجب سوئي سدرن انتظاميا ڪراچي جي صنعتي، ڪمرشل ۽ گهريلو صارفين لاءِ گئس پريشر بهتر ڪرڻ لاءِ ڪم ڪري رهي آهي.
جاري ڪيل پڌرائي موجب، 20 انچ قطر واري 12.5 ڪلوميٽر ڊگهي ٽرانسميشن پائيپ لائين 4 آگسٽ آچر ڏهاڙي سسٽم سان جوڙيو ويندو،
ايس ايس جي سي جو چوڻ آهي ته پائيپ لائين کي گئس سسٽم سان ڳنڍڻ وقت آچر جي صبح 8 وڳي کان رات 8 وڳي تائين 12 ڪلاڪن لاءِ ڪيترن ئي علائقن ۾ گئس جي فراهمي بند ڪئي ويندي.
گئس بندش سبب متاثر ٿيندڙ علائقن ۾ ڪورنگي، هاشم گهاٽ، مانسهره ڪالوني، الله بدر ڳوٺ ۽ ڀرپاسي وارا علائقا شامل آهن
