ڪراچي (ويب ڊيسڪ) ڪراچي ٽي تلوار وٽ پريا ڪماري جي بازيابي لاءِ لڳل ڌرڻي دوران مظاهرين ۽ صحافين تي تشدد ڪندڙ 4 اهلڪار معطل ٿي ويا.
گذريل رات ڌرڻو ختم ڪرائڻ دوران مظاهرين ۽ پوليس ۾ چڪريون ٿيون، پوليس 20 کان وڌيڪ مظاهرين کي گرفتار ڪيو هو، اهلڪار ڊي آءِ جي اسد رضا جي موجودگيءَ ۾ مظاهرين تي تشدد ڪندا رهيا.
گهرو وزير ضياءَ لنجار جي نوٽيس بعد ڊي آءِ جي سائوٿ سيد اسد رضا چئن اهلڪارن احسان خان، عرفان علي، عرفان نيازي ۽ اسد خان کي معطل ڪري ڇڏيو.
ٻئي پاسي پوليس پريا ڪماريءَ جي بازيابيءَ لاءِ ڌرڻي ۾ گرفتار ڪيل سمورن مظاهرين کي آزاد ڪرڻ جي دعويٰ ڪئي آهي.
Pakistan Sindh Police
