اڪثر ماڻهن جي عادت هوندي آهي ته صبح جو اٿندي ئي سڀ کان اڳ موبائل فون چيڪ ڪندا آهن پر طبي ماهرن ان عادت بابت سخت وارننگ جاري ڪندي ان جي سنگين نقصانن کان آگاهه ڪيو آهي.
ماهرن جو چوڻ آهي ته سجاڳي کانپوءِ فوري طور فون جي اسڪرين ڏسڻ سان توهان جي ”ننڊ ۽ سجاڳي جو چڪر“ متاثر ٿيندو آهي، جنهن جي نتيجي ۾ ننڊ جو معيار ڪِري پوندو آهي ۽ توهان سجاڳي کانپوءِ به ٿڪل محسوس ڪندا آهيو.
ان کانسواءِ ان عادت سان اکين تي به سخت دٻاءُ پوندو آهي، انسان کي ذهني دٻاءُ ۽ پريشاني ٿيندي آهي، ڊگهي ننڊ به اڻ پوري لڳندي آهي ۽ سجاڳي کانپوءِ سڄو ڏينهن ڪم تي ڌيان ڏيڻ ۾ سخت ڏکيائي پيش ايندي آهي.
ماهرن ان عادت جا ڪيترائي ٻيا به سنگين نقصان ٻڌايا آهن، جيڪا انسان جي مجموعي ذهني ۽ جسماني صحت تي اثرانداز ٿيندا آهن.
ماهرن مشورو ڏنو آهي ته ڪڏهن به ننڊ مان اٿڻ سان ئي موبائل فون استعمال نه ڪرڻ گهرجي.
