ميروخان ( رپورٽر ) ٽائون ڪاميٽي ميروخان ۾ پنھنجي ملازمت جو مدو پورو ڪري رٽائر ٿي ويل ملازمن سميت پنھنجي ملازمت جي ھلندڙ عرصي دوران فوت ٿي ويل ملازمن جي وارثن کي پئنشن جي مد ۾ رھيل رقم ڏيڻ لاء ٽائون ڪاميٽي ۾ تقريب منعقد ڪئي وئي جنھن ۾ ٽائون ڪاميٽي جي چيئرمين رئيس لياقت علي ابڙو ۽ ٽائون آفيسر فدا حسين مگسي طرفان رٽائر ملازمن ۽ فوت ٿي ويل ملازمن جي ھر ھڪ وارث کي چيڪ ڏنو ويو.
تقريب ۾ ٽائون ڪاميٽي جي اڪائونٽ ڪلارڪ محمد اسحاق مگسي سميت آفيس جي ملازمن شھر جي معززين شرڪت ڪئي .
ان موقعي تي ٽائون ڪاميٽي جي چيئرمين رئيس لياقت علي ابڙو ميڊيا سان ڳالھائيندي چيو ته اٽڪل ست سالن کان ٽائون ڪاميٽي جي ريٽائرڊ ۽ سروس دوران فوت ٿي ويل ملازمن کي پينشن ۽ ٻيون مراعتون نه ملڻ ڪري ملازمن ڪيترين ئي تڪليفن کي منھن ڏيئي رھيا ھئا جڏهن کان اسان چارج سنڀالي آهي اسان ملازمن جي ھر ممڪن مدد ڪئي آهي.
