نئين دهلي (ويب ڊيسڪ) ڀارت جي مشهور ويب سيريز مرزاپور جي ٽئين سيزن جي اعلان بعد ايندڙ خبر ويب سيريز جي چاهيندڙن کي پريشان ڪري ڇڏيو آهي.
مرزا پور 2018 ۾ رليز ٿي هئي جنهن کي گهڻو پسند ڪيو ويو هو ۽ ان جي ٻئين سيزن جو به پرستارن بي صبري سان انتظار ڪيو ۽ 2020ع اسٽريمنگ لاءِ پيش ڪيو ويو.
اپريل 2024 ۾ مرزا پور جي ٽئين سيزن جو اعلان ڪيو ويو ۽ ان سان گڏوگڏ ڪاسٽ جي باري ۾ به ٻڌايو ويو پر پرائم وڊيو انڊيا طرفان فوٽو اينڊ وڊيو شيئرنگ ايپ انسٽاگرام تي جاري ٿيڻ واري وڊيو سڀني کي حيران ڪري ڇڏيو.
مختصر وڊيو ۾ جي پي ياديو جو ناڪاري ڪردار نڀائڻ واري اداڪار پرمود پاٺڪ کي انب کائيندي ڏسي سگهجي ٿو.
وڊيو ۾ ان کان ٽئين سيريز جي رليز ٿيڻ جي حوالي سوال ڪيو ويو، جنهن جي جواب ۾ هو 22 آگسٽ 2024ع جي تاريخ ٻڌائيندو آهي، جنهن تي سوال ڪرڻ وارو چوندو آهي ته اها ڪنفرم ڳالهه آهي؟.
وڊيو ۾پرمود پاٺڪ جواب ڏيندو آهي ته ” سياستدان جي زبان آهي ڀاءُ ڀروسو ڪيو“.
واضح رهي ته مرزاپور جي ٽئين سيزن جي حوالي سان اعلان ڪيو ويو هو ته ان کي جون ۾ رليز ڪيو ويندو، پر هاڻ هن نئين وڊيو موجب ٽيون سيزن آگسٽ ۾ رليز ٿيندو.
Mirzapur India Webseries
