پشاور (ويب ڊيسڪ) پشاور ۾ ٽڪ ٽاڪ خراب ڪرڻ تي ماستر آپي مان نڪري ويو ۽ وحشياڻو تشدد ڪري شاگردن جون ٻانهون ڀڃي ڇڏيائين.
افسوسناڪ واقعو گورنمينٽ هاءِ اسڪول غريب آباد پشاور ۾ پيش آيو، جوابدار سيف الله ٽڪ ٽاڪ خراب ڪرڻ تي شاگردن تي تشدد ڪيو.
پوليس موجب ماستر وڊيو ٺاهي رهيو هو ته شاگردن پاڻ ۾ ڳالهائڻ شروع ڪيو، شاگردن جي ڳالهين وڊيو ۾ خلل پوڻ تي استاد آپي مان نڪري ويو ۽ کين تشدد جو نشانو بڻايو.
ماستر جي تشدد سان شاگرد سخت زخمي ٿي پيا، جن کي اسپتال نيو ويو، جڏهن ته پوليس واقعي جو ڪيس داخل ڪري ورتو آهي.
